Cando Google Street View captura arte na rúa

Debería ir este artigo en arte, en street art ou en tecnoloxía? A verdade é que moi complicado de determinar, porque o que fai Jon Rafman, un fotógrafo de Montreal, mestura todos eses campos e tira as fronteiras do que agardas cando vas visitar unha exposición. Rafman non fai el a arte, senón que confía en Google para conseguir as diferentes obras – sorprendentemente inquietantes e cativadoras – que compoñen a súa colección The nine eyes of Google Street View.

google street view art, jon rafman

Google comezou a capturar o mundo no 2005, cando os seus vehículos se lanzaron a fotografar as rúas e estradas de medio mundo. Cada coche leva un pack con nove cámaras (os nove ollos que dan nome á idea de Rafman), que van capturando ao seu paso o que se atopan. Google, ademais, está a mellorar o servizo, engadindo novas frikadas que fan máis realista e completa a toma de imaxes. Cando a compañía empezou a fotografar o mundo, case ninguén sabía ou podía recoñecer os seus vehículos, o que deu lugar a unha especie de visión conxelada do mundo contemporáneo, moi espontánea e realista (moitas veces dun xeito bastante irónico). Hoxe, a esas imaxes realistas e non preparadas, hai que sumarlles a cultura urbana que xa creou ao seu redor o servizo e que levou a un número considerable de persoas a facer unha posta en escena para recibir ao coche de Google Street View.

google street view art, jon rafman

google street view art, jon rafman

Rafman colecciona esas imaxes. No 2008, xusto un ano despois de que a firma lanzase o servizo ao mundo, o artista comezou coa procura e colección desas imaxes sorprendentes e estrañas que se poden atopar no servizo de mapas. A colección ten dende imaxes francamente bonitas e suxerintes, dignas da captura máis estudada, ata esas máis raras e sorprendentes que semellan carecer de sentido lóxico. A elas súmanse todas esas instantáneas da vida cotiá, que Google descontextualiza (hai dende prostitutas, ata redadas e capos arma en man nas rúas) o que lle dá certo aire de irrealidade.

google street view art, jon rafman

As fotos poden verse dende finais mes e ata mediados de agosto na Saatchi Gallery de Londres e sempre e permanentemente no Tumblr do fotógrafo. “A fotografía de Street View ten unha calidade espontánea allea ás sensibilidades e axendas do fotógrafo humano, capturando fragmentos da realidade despoxados de calquera intención cultural”, sinala Rafman na presentación da súa exposición para explicar a súa fascinación con estas imaxes.

Fotos | Google Street View vía 9eyes.com 

Shares

1 comentario

Deixa unha resposta

O teu enderezo electrónico non se publicará