Bañarse en piña colada

piña colada

Lembrades aquel momento no que ninguén – a menos que fora un personaxe dunha serie retro de cruceiros – bebía cócteles? Máis alá das catro habituais combinacións que se pedían en calquera lugar, non era o recorrente atopar cartas de cócteles, especialistas en calquera garito cutre que che facían mesturas especiais ou artigos en todos os medios de comunicación sinalando cal poderá ser o próximo gin tonic (o último que probamos foi o sorbete de gin tonic e estamos dispostos a asinar onde sexa para que se converta na próxima bebida de moda). Os cócteles están de revival e por tanto todos – practicamente todos (nos esquezades a miña aposta polo mimosa) – están volvendo ás nosas vidas, incluídos aqueles moito máis viejunos. Como pode ser a piña colada. Se ata agora pensabas que a piña colada era algo que bebían unicamente en Vacacións no mar ou nos retiros para xubilados en Miami (supoño que nas viaxes do Inserso a xente toma chinchón e anisete, manteñamos polo menos un mito), estabas moi enganado.

A piña colada é un máis dos cócteles que volveron ás cartas e é moito máis recorrente que o mimosa (maldición!) ou o Bellini (que é como o mimosa pero con zume de pexego). Este cóctel leva ron branco, zume de piña e leite de coco como elementos principais e é doce e bastante veraniego. Tanto como para que esteamos xusto agora na súa tempada e tanto como para que a cosmética de verán poda (ou deba) botarlle man. Se xa podemos bañarnos en gin tonic, por que non facelo en piña colada? (E ademais a mellor prezo).

Mercadona acaba de lanzar un xel de baño específico de piña colada (e a un deses prezos baixos que fixeron no pasado que a cosmética de Mercadona se convertera na nova relixión moderna: 1,50 euros) na rama Deliplus e chamado (moi orixinalmente…) Gel de Baño Piña Colada. E, nunha ousada decisión de Disquecool por recuperar  as probas de produtos cosméticos, mercamos un bote (ben, ao final foron dous botes). Non ten unha textura diferente a outros xeles do mercado, non é especialmente sorprendente no seu packaging (xa sabedes o que din, que Mercadona busca no packaging reducir custos, así que supoño que iso non lles deixa moito marxe para o cool packaging) e ten unha cor demasiado obvia (se algo leva piña debería ser amarelo, pode que fora o pensamento na toma de decisión). E, sen embargo, aquí está: o Gel de Baño Piña Colada é unha das cousas máis cool do verán. 

Cheira poderosamente a piña, cun lixeiro toque a coco e unhas reminiscencias poderosamente alcólicas.  A ver, o xel non leva alcol e non está feito cun cóctel real (podería copiarvos a composición pero é a clásica historia química que eu, bendita estudante de letras, non saberei moi ben ler) pero o seu uso fai rememorar rapidamente á bebida que lle da nome. Para que enganarvos? Despois de usalo, crea a necesidade de ir a algún chiringuito (esperemos que cool) de praia e beber algún cóctel con palliñas e sombrillas decorativas (vale, non é moi cool, pero é o que hai nos chiringuitos de praia). E por suposto todo é marabillosamente verán. O xel é como a madalena de Proust para os días de sol.

Desgraciadamente, o Gel de Baño Piña Colada de Deliplus ten unha vida limitada. En internet a xente di que é unha aposta só para o verán e dende Mercadona confirmáronmo (máis ou menos) por mail. “O xel de piña colada é unha alta de verán que aínda non sabemos se perdurará nos nosos lineais, traballamos por e para os nosos Xefes* e de eles depende o noso surtido”, sinalan. Así que mentres dura esa incerteza ide facervos cun bote e logo xa me contades. Sempre poderemos facer un Change para que non nolo quiten.

*Antes explicáranme a filosofía Mercadona de xestión de produto que se resume basicamente en dar o que os Xefes (con maiúscula) demandan. E por xefes non falan de Juan Roig senón dos clientes.

Foto  mealmakeovermoms

Shares

Deixa unha resposta

O teu enderezo electrónico non se publicará