Si, a ti. Durante unha morea de anos Coca-Cola mantivo o seu logo sen cambios nin mutacións. O logo que vemos hoxe en día é de 1930, cunha pequena modificación nos 60 (que é cando introduciron a banda branca que acompaña ás letras) e agora a firma lanza unha invitación á comunidade de deseñadores do mundo mundial para que produzan unha nova versión. Non é que Coca-Cola vaia facer un proceso de rebranding (tampouco nos asustemos!, non vai ser unha desas cousas de sempre que de súpeto queren ser diferentes como fixo para dor dos seus clientes GAP), só vai ver que xurde, lanzar unha camiseta e facerse notar grazas a esas ideas.
O concurso está aberto aos membros (estadounidenses) de BYVM, unha comunidade de deseñadores, que poderán presentar calquera idea posible para ser o novo logo de Coca-Cola. Ten que ser en vermello e branco, non vale cortar nada, non se poden usar bandeiras ou logos xa existentes e ten que seguir unhas normas de estilo (esas clásicas de nin se che ocorra xirar o meu nome ou facerlle o mal!). Todos os participantes que cumpran estas normas poderán ser votados polo público, que escollerá ao gañador popular. Un xurado especializado en tendencias do mundo mundial escollerá ao gañador profesional do concurso, que poderá incluír no seu currículo este título e levará 5.000 dólares.
O día 29 será o derradeiro día para presentar unha proposta. Polo de agora pódense ver as diferentes propostas que van dende o retro (unha chea) ao excesivamente lacrimóxeno de tan politicamente correcto. Estes son algúns dos exemplos que xa se están propoñendo, aínda que todos poden verse na web do concurso.
Fotos | drbexl (destacado) | BYVM
Coca-Cola genera adicción en los niños..y es dañino su consumo en el sr humano,Coca-cola debe advertir lo dañino d su consumo…los envases plasticos son contaminantes, Cuidemos el Ambiente..