Disquecool invita: Voces Femeninas 2013

Aquí estamos outra vez, un ano máis desexando que estas primeiras semanas de novembro pasen rápido para que chegue a fin de semana que sempre mellora este mes tan gris, a fin de semana na que se celebra o Festival Voces Femeninas que cada ano organizan con mimo desde Coconut Producciones. Xa vos falamos hai uns días do cartel deste ano, que ten a Torres, Anna Ternheim e Lady Lamb The Beekeeper como protagonistas, pero non vos contamos a quen estará adicado este ano o evento: toca facer homenaxe a Patti Smith (que significa que a escoitaremos a ela entre artista e artista e, se hai sorte, igual nos tocan algunha versión). Viva!

E si, se estamos a repetir toda esta información é porque, como cada ano, temos un par de entradas para sortear. Pero antes, como sempre, uns vídeos para abrir boca e que saibades exactamente que é o que podedes ver e por que deberiades deixalo todo por asistir a este festival.

Temos á pequena pero intensa (non sabemos se é pequena de verdade, é a idea que nos fixemos dela na cabeza) Lady Lamb the Beekeeper.

Sigamos coa sueca Anna Ternheim

E, por suposto, á que xa coñecíamos todos, Torres.

E, xa que estamos, un pouco de Patti nunca está de máis.

Listos? Aquí van os detalles do concurso: sorteamos dúas entradas dobres para os concertos de Voces Femeninas en Ourense (21 de novembro) e en Vigo (23 de novembro). Como participar? Deixa un comentario neste post dicíndonos quen sería cabeza de cartel do voso festival Voces Femeninas ideal e para que concerto, Vigo ou Ourense, queres as entradas. Como é ideal e non real, aceptamos candidatas que xa non estean vivas, pero tede en conta que esta lista pode ser usada como inspiración pola xente de Coconut para o cartel do ano que vén, así que pedide! por pedir que non quede!

Tedes ata o vindeiro mércores 13 de novembro ás 23:59 para participar. Entre todos os participantes, escolleremos dous gañadores facendo un sorteo en random.org, aos que lles enviaremos un mail o día 14. Se non contestan a este mail antes do domingo 17 ás 23:59 horas repetiremos o sorteo.

Veña, a dar ideas: como sería un Voces Femeninas ideal?

Shares

83 comentarios

Deixa unha resposta

O teu enderezo electrónico non se publicará