Cool ou non? Caveira print

Caveira printSobre se as caveiras están de moda non hai dúbida algunha: vémolas nas prendas de tendas alternativas e na roupa da factoría Inditex, nas xoias de autor e na quincalla low-cost (sobre todo nas xoias: vaia invasión), e ata nos accesorios para o fogar. Pero a cuestión é: realmente molan?

Porque xa sabedes, aquí somos tan fans do estilo naïve (colos babeiro, saias de voo, xerseis de animaliños), que parece que un estampado de caveiras non acaba de ter o seu sitio. E sen embargo, levan  xa un bo tempo sendo o estampado de referencia. Pero mentres todos tiñamos claro que os bigotes molaban e que lle iamos facer se acababan estampados en camisetas do Bershka, o das caveiras pasou directamente, que sei eu, do heavy (ou do pirata, ou do étnico-mexicano) ao pijo. Xa avisaramos que unha das tendencias da tempada era o estilo gótico…Así que deixo aquí a pregunta: son cool as caveiras, si ou non?

Mentres o pensades, propóñovos algunhas compras para mostrar caveiras co mesmo orgullo que un cadro tempus fugit do século XVI (que esas caveiras tan intelectuais todos temos claro que nos gustan):

1. Camiseta de Romwe.com

As caveiras de estilo mexicano, con flores en en cores alegres entran de cheo nesta tendencia, e convencen bastante.

Camiseta de caveiras

2. Colar vintage de Les Jumelles

Se o que buscas son xoias, non te custará moito atopar: colares, pendentes, broches, pulseiras, podes velos en todas e cada unha das marcas existentes.

Colar caveira

3. Zapatillas Vans

As Vans xa están en caída libre, pero para os fieis (que aínda sodes moito) hai varios modelos diferentes con caveiras.

Vans caveira

4. Babeiros de Coolbaby

Ao parecer hai un montón de produtos para bebés “rockeiros” con caveiras, aínda que hai quen pensa que familiarizar ao pequeno con tan macabro símbolo fará que acabe tragando lixivia.

Bebés e caveiras

5. Vaixela de Zara Home

En Zara Home atopamos vasos, xogos de té, e bandexas con caveiras. O certo é que resultan bastante simpáticas.

Caveiras Zara Home

Fotos | 1. Violet-E, 2. Romwe, 3. Les jumelles, 4.Vans off the wall , 5. Coolbaby 6. Zara Home

Shares

5 comentarios

Deixa unha resposta

O teu enderezo electrónico non se publicará