Quen non pasou un venres, un sábado ou un domingo encadeando vídeos en Youtube? Comezas cos experimentos de Coca Cola e Mentos, pasas a Charlie o neno que morde dedos, e de súpeto xa estás dándolle ao play de Leave Britney alone. Para que perdas un pouco máis o tempo na rede en vez de saír a respirar aire puro, iniciamos nova sección, ‘Vídeos para a fin de semana’, e facémolo cunha selección de vídeos para ver antes de saír de festa. Aquí van!

1. Divine Comedy – National Express. Unha das cancións favoritas da redacción de Disquecool para bailar no salón antes de saír á rúa unha noite de troula. Neil fainos tan felices!

2. Richard & Linda Thompson – I Want To See The Bright Lights Tonight. A outra canción que nos motiva un venres noite, aínda que a versión que realmente nos gusta é esta.

3. Electric Six – Danger! High Voltage! A selección do noso fotógrafo. A señora danos moita grima.

4. Queen – Don’t Stop Me Now. Quen non sae a dalo todo con esta canción?

5. Cyndi Lauper – Girls Just Want To Have Fun. O videoclip non ten desperdicio, tan 80’s!

6. Raphael – Mi gran noche. Para os máis clásicos, “qué pasará, qué misterio habrá, puede ser mi gran noche…”.

7. Europe – The Final Countdown. Sobran as palabras.

Cales son os teus?