Tiñamos todos un pouco de medo. Había xa máis dun mes que a rolda de prensa cos grandes nomes para o Primavera Sound tivera lugar, pero falaban só de Barcelona. E efectivamente, todos eses anuncios enormes (Beirut, Franz Ferdinand, Rufus Wainwright, Josh T. Pearson…) eran só para o San Miguel Primavera Sound. En breve, dicían, anunciaremos cousas para o Optimus Primavera Sound de Porto. Pero os días pasaban e seguía sen saberse nada.
Esta mañá, por fin, tivo lugar a rolda de prensa adicada a anunciar novos nomes exclusivamente para Portugal. O resultado provoca sentimentos contradictorios. Por unha banda, trátase dun cartel impresionante, diso non hai dúbida. Temos a Björk, a Rufus Wainwright, aos Flaming Lips… O problema chega cando poñemos ao lado ao seu irmán maior barcelonés e comparamos. Onde está Beirut? E Sharon Van Etten? E Franz Ferdinand? Todos temos algún artista favorito que cambiaríamos por Björk.
Iso si, non está todo perdido. Desde a organización xa aclararon que aínda faltan moitos artistas por confirmar, polo que ese cartel irá crecendo, aínda que é doado pensar que os ases xa están todos cara arriba. Collamos aire e cambiemos de actitude. A lista segue sendo moi longa e hai moitos grupos descoñecidos: enfoquemos o Primavera Sound portugués desde o lado do descubrimento e a tranquilidade. Total, en Barcelona sempre hai coincidencias desafortunadas de dous artistas que un quere ver á mesma hora en lugares distintos. En Porto é máis difícil que iso pase.
E de todas formas o cartel segue a non estar nada mal:
| THE AFGHAN WHIGS ATLAS SOUND BAXTER DURY BEACH HOUSE BIGOTT BJÖRK BLACK LIPS CODEINE DEATH CAB FOR CUTIE DEATH GRIPS DEMDIKE STARE DIRTY THREE THE DRUMS EROL ALKAN ESPERIT! EXPLOSIONS IN THE SKY THE FLAMING LIPS FOREST SWORDS GALA DROP I BREAK HORSES JAMES FERRARO AND THE BODYGUARD JEFF MANGUM (NEUTRAL MILK HOTEL) JOHN TALABOT (LIVE) LEE RANALDO MUJERES | NEON INDIAN NUMBERS SHOWCASE (JACKMASTER, ONEMAN, DEADBOY, SPENCER, REDINHO) THE OLIVIA TREMOR CONTROL OTHER LIVES THE RAPTURE RUFUS WAINWRIGHT SAINT ETIENNE SHELLAC SISKIYOU SLEEPY SUN SPIRITUALIZED TALL FIRS TENNIS THEE OH SEES VERONICA FALLS THE WALKMEN THE WAR ON DRUGS WASHED OUT WAVVES WE TRUST WILCO WOLVES IN THE THRONE ROOM THE XX YANN TIERSEN YO LA TENGO |
* O Optimus Primavera Sound terá lugar entre o 7 e o 9 de xuño no Parque da Cidade en Porto. E para quen estes nomes non sexan suficientes, sempre se pode seguir facendo a xa tradicional viaxe a Barcelona en maio. Ou, para os fanboys e fangirls do festival con cartos aforrados, acudir ás dúas edicións e comparar con coñecemento de causa!
