Disquecool invita: Belle & Sebastian en Compostela!

belle_and_sebastian

Por suposto, por suposto. Non podíamos deixar pasar esta oportunidade. Os nosos amados e adorados Belle and Sebastian (escribo “&” e “and” ao chou porque eles tamén o fan así) pisan por fin terras galegas, e en Disquecool non só estaremos en primeira fila, senón que ademais queremos compartir convosco a experiencia. Aínda non tes entrada? Continúa lendo. Xa a tes? Podes ler tamén. Sorteamos dúas entradas individuais para ver aos nosos escocesiños na praza da Quintana o 28 de xullo! Ben!

Hai deberes, claro que si. E desta vez son deberes escoceses. Escocia, como supoño que xa sabedes, é terra de pop. De aí, de Glasgow, son Belle & Sebastian e moitos, moitísimos grupos máis. Para participar no sorteo, tedes que deixar un comentario nesta entrada (aquí no blog, no Facebook non vale) co nome doutro grupo (ou artista en solitario tamén, veña) que veña de Escocia. A ser posible que sexa pop e que sexa bo. E, o máis importante e distinto a outros sorteos: NON VALE REPETIR. Hai músicos para todos! Obviamente, os que participedes antes terédelo máis doado que os tardóns, pero será por musica fantástica chegada desde Escocia! Cando haxa un grupo ou músico repetido, só entrará no sorteo o primeiro que dixo o seu nome.

Tedes ata o vindeiro martes 8 de xullo ás 23:59 para participar. O mércores 9 faremos o sorteo e enviaremos mails aos dous gañadores. Se non contestan a ese correo antes do domingo 13, perderán o dereito ao premio e buscaremos outro gañador.

Sorte!

PD: Neste vídeo hai unha idea para artista/grupo escocés. Claro que os que recoñozades a pista, posiblemente non necesitedes a nosa axuda :)

Shares

202 comentarios

Deixa unha resposta

O teu enderezo electrónico non se publicará