Esta noite nevou un pouco en Santiago e nalgúns outros lugares de Galicia, así que a emoción xa nos embarga porque poderemos sacar do armario todas esas prendas ben abrigosas e ben quentiñas que algún día mercamos pensando en tempos máis fríos. Poderemos poñer gorro, guantes, orelleiras, boas katiuskas e todas as capas de roupa que nos apetezan porque… temos que sobrevivir á neve.
1. Gorros. Un básico! Hai que poñer un bo gorro para manter a cabeza quentiña. A nosa recomendación é un bo gorro de la feito na casa, pero se non tedes podedes botar man do pret-a-porter.
- Gorro con pompón, un clásico. Esta é unha opción cara de Tsumori Chisato vía Yoox. Pero hai opcións máis económicas.
- Gorro de la con cara sorrinte de Moschino Chip and Cheap
- Sombreiro vintage feito a man de Etsy
2. Bufandas. Que mellor que unha boa bufanda de la para sobrevivir ao frío ou bo foulard ben tupido do que botar man antes de saír á rúa? E o momento para sacar a máis fermosa bufanda que teñades no armario.
- Clásica bufanda de la. Esta en concreto é de Martin Margiela (59 euros! en Yoox) e permite engadir o punto ‘chulito’ ao outfit.
- Alguén non se enterou aínda de que os bigotes son super cool? Foulard de Modcloth
3. Guantes. Os guantes son un must para sobrevivir ao frío. Hai unha chea de apostas variadas e non é do máis caro dentro de todos os complementos para o frío. Ademais, se queredes facer bolas de neve (que a intención non caía vítima da realidade!) son máis que precisos. Todos son de Asos.
4. Capas. Se cadra non son o máis adecuado para o frío, pero son moi bonitas e temos que aproveitar mentres están de moda.
- Capa de Modcloth
- Capa de Asos, lixeiramente victoriana. Coas rebaixas está por debaixo dos 50 euros.
5. Orelleiras. Si, pode que o mundo non estea aínda preparado para elas máis alá de onde están a 20 grados baixo cero pero, ademais de ser moi quentiñas, non aplastan o pelo como os gorros.
- As miñas favoritas! Son do día dos Mortos mexicano. En Etsy por 17 libras
- Orelleiras de estilo mongol de Asos. Imposible pasar frío con elas. 16,23 euros.
- Exemplo de orelleiras clásicas. Estas son de Etsy e saen a 15 dólares.
- Orelleiras de pingüino de Asos, aínda por riba brillantes. Son riquiñas. Custan 7, 14 euros.
Foto (home) | opencontent