Sabemos que no fondo non está ben, que todo é unha trampa para que traballemos máis horas sen emitir demasiada queixa. Como queixarte se podes traballar nun sofá, se tes futbolín para desestresarte, se hai sempre froita fresca gratis a man? É unha idea maquiavélica, pero tamén unha idea brillante. Todos quereríamos traballar nunha oficina desas con mobles de cores, con ximnasio ou spa, con mesa de billar e cun cuarto especial para durmir a sesta. A idea é que non teñamos que saír para nada. Ir a casa? De verdade falas en serio?
Deixando de lado as contradicións internas que isto provoca (ese desexo de traballar alí, ese odio cara os donos dunha compañía que quere ser o único da túa vida), hai poucas cousas que nos gusten máis que espiar como se fai isto das oficinas cool por aí polo mundo. As empresas tecnolóxicas e de publicidade son as raíñas (e agora pensa en cantas horas bota a xente normalmente nestes sectores), con Google á cabeza contenta por ser a empresa máis guai na que ser escravo. Porque, para que negalo, xa postos a estar escravizado, facelo con cores vivas arredor e cun tobogán polo que tirarse (mellor que a ventá).
Estas son as oficinas nas que nos gustaría ser escravos a nós. Hai para todos os gustos!
(Pincha nas fotos para acceder á fotogalería)
- Square, San Francisco.
- Microsoft, Viena. O dos tobogáns é sempre un plus.
- Microsoft, Viena. Unha sala de reunións coa temática “océano”.
- AirBnB, San Francisco. Alguns dos espazos de traballo e reunións buscan o estilo dos aloxamentos que ofrece a web.
- Google, Nova York. A terraza con vistas á cidade.
- Google, Nova York. Oficina con tema “apartamento” para os queiran traballar desde casa.
- Urban Outfitters, Philadelphia.
- Urban Outfitters, Philadelphia.
- Brandbase, Amsterdam. Saben que os palés están de moda.
- The Wonder Factory, Nova York. O “laboratorio de investigación” con hardware para pensar: a Wii, Playstation, Apple TV…
- The Wonder Factory, Nova York. Áreas de traballo abertas.
- Nothing, Amsterdam. Os mobles desta oficina están feitos de cartón!
- Nothing, Amsterdam. Máis cartón.
- The Metrick System, Toronto. As salas de reunións son autocaravanas!
- HOK, Londres. Unha área de picnic con céspede para a hora de comer.
Non tedes que ir tan lonxe :) https://gl.dinahosting.com/sobre-a-dinahosting/infraestrutura