Paris vs New York, un duelo en imaxes

Gafas de Godard vs gafas de Woody Allen, unha copa de Bordeaux vs un cóctel Cosmopolitan, un bobo vs un hipster. Son algunhas das comparacións visuais que o ilustrador e deseñador gráfico Vahram Muratyan crea valéndose dos estereotipos de dúas das cidades máis icónicas do mundo: París e Nova York. O proxecto chámase ‘Paris vs New York’ e viu a luz en forma de blog, para despois dar o salto ao papel nun fermosos libro de tapas duras.

Nado en París, Vahram Muratyan é o fundador do estudo de deseño ViiZ. Sempre estivo algo obsesionado con Nova York, así que decidiu cruzar o charco. Pero xa sabemos que a vida é caprichosa, e unha vez alí comezou a botar de menos a cidade do amor, o Louvre, a torre Eiffel, e todas esas iconas e estereotipos que precisamente plasma nos seus traballos. ‘Paris vs. New York’ é unha confrontación a nivel gráfico e conceptual entre as dúas grandes urbes sen posicionarse a favor ou en contra. Un duelo moi sintético e cheo de humor, ideal para a xeración Pinterest.

* Máis información no blog do proxecto

 

Shares

1 comentario

Deixa unha resposta

O teu enderezo electrónico non se publicará