Encántanos esta tarefa de organizar o Off Culturgal (este é xa o terceiro ano!), pero sempre hai un momento moi complicado: despois de pasalo tan ben recibindo e coñecendo propostas, temos que escoller. Ser xurado non é nada doado! Pero collemos aire e aceptamos que o formato 9×9 di que só poden participar nove proxectos creativos, así que fixemos a nosa escolla. Que mágoa ter que deixar fóra proxectos que tamén merecían estar!
Pero deixemos de xustificarnos e vaiamos ao que estades todos desexando ler (supoñendo que aínda esteades a ver isto, seguro que moitos pasaron directamente a ver o listado!): quen poderá presentar a súa proposta en nove minutos (6 de diapositivas e 3 de preguntas) no Off Culturgal o vindeiro 30 de novembro? Estes son os proxectos seleccionados!
– Doutroxeito Coworking. Chus Prol (COWORKING)
– A Gata Moscovita. Paula Tubío (DESEÑO DE XOIAS)
– Ciranda, à volta do português. (RECURSOS CULTURAIS)
– La Mujer Araña. Verónica Novoa (TECIDOS CREATIVOS)
– Cartografías Sensibles. Joana Covelo (PATRIMONIO + TECNOLOXÍA)
– Ukelele Kit Project. Matilde Rodríguez (O Gato Cósmico) (MÚSICA E ARTE)
– Trivial da Terra de Melide. Xesús Freire (APP MÓBIL)
– Creatorio (REDE SOCIAL)
– O Retrovisor (MAGAZINE WEB)
O Off Culturgal, como xa vos contamos hai uns días, é un encontro informal e dinámico de xente creativa que Disquecool organiza desde hai un par de anos no marco da Feira das Industrias Culturais de Galicia, Culturgal, que terá lugar o 29 e 30 de novembro e o 1 de decembro en Pontevedra. Vémonos alí!
2 comentarios