Mecedorama, mobles feitos co inesperado

Mecedorama

Todo comezou cunha especie de namoramento dunha arte tradicional. Un dos membros do equipo de Mecedorama viaxou a Colombia e descubriu as cousas que se facían naquel país coas tiras que se usan para embalar (os alí chamados flejes). Dende bolsas e bolsos ben resistentes ata mecedoras que son moi populares: todo iso saía algo que aquí non se empregaba para nada máis que para o que en principio se pensara, pechar embalaxes. Cando o membro do equipo volveu a España decidiu convencer aos seus compañeiros do marabilloso que sería facer algo así y fixeron unha primeira mecedora. Gustou. E así naceu Mecedorama, unha firma que fai a man mecedoras con cinta de embalaxe nun taller artesanal no madrileño barrio de Malasaña dende onde as venden a toda España a través da súa web, de Homeless Design e de Lola’s Corner.

Quen merca a mecedora pode escoller todo: dende o deseño ata as cores das cintas coas que se fan as cadeiras e os moldes do armazón metálico que dará forma á mecedora. Os prezos van dende os 250 ata os 400 euros do modelo máis grande. As mecedoras, como son todas únicas e singulares, son bautizadas co nome da persoa que a pediu. “Tentamos axustar o prezo á produción”, contábanos María Mallo, unha das persoas detrás de Mecedorama, durante o pasado Product Design Madrid. “Pagamos o traballo das persoas que o desenvolvemos”. Non existe moito marxe de beneficio, porque o produto é moi artesanal e require en todas as súas etapas un traballo humano. O resultado é a culminación dun proceso de “producir para persoas”.

Cada mecedora implica tres semanas de traballo, das que catro a oito horas son para o trenzado das cintas plásticas que forman o corpo da cadeira. Aínda que en España é sinxelo mercar estas cintas, Mecedorama tráenas dende Colombia, xa que en España unicamente están á venta tres cores. En Colombia a oferta é infinitamente moito máis ampla. “Á xente encántalle as cores, o material, que sexa artesanal”, dinos María Mallo,  que nos conta que moita xente ve as súas mecedoras como unha adquisición especial, como por exemplo para un agasallo ou unha celebración. “Non é algo que podas mercar cada día, telo que pensar”, confésanos.

Aínda que están feitas a man e cun material tan sorprendente, as mecedoras de Mecedorama poden soportar ben de peso, xa que grazas ao trenzado do material a mecedora vai adquirindo máis forza. Mecedorama estará na próxima feira de deseño de Milán e tamén está pensando en experimentar con novos produtos. “Estamos abertos a outro tipo de mobles e tamén queremos experimentar con outros materiais”, dinos María Mallo.

Shares

Deixa unha resposta

O teu enderezo electrónico non se publicará Os campos obrigatorios están marcados con *